İndoneziyada torpaq sürüşməsi zamanı itkin düşən 9 nəfər sağ tapılıb
Bakı, 29 fevral, AZƏRTAC
İndoneziyanın Cənubi Sulavesi əyalətində torpaq sürüşməsi zamanı itkin düşən daha doqquz nəfərin axtarışı uğurla nəticələnib.
AZƏRTAC “United news of India” saytına istinadla xəbər verir ki, xilas edilənlər yaxınlıqdakı xəstəxanalara göndərilib.
Leysan yağışlarının səbəb olduğu sürüşmə bazar ertəsi səhər saatlarında əyalətin inzibati mərkəzi Makassar şəhərindən təxminən 340 kilometr məsafədəki Luvu rayonunda baş verib. Xilasedicilər ümumilikdə on nəfəri torpaq altından sağ çıxara biliblər. Təbii fəlakət nəticəsində beş nəfər həyatını itirib.
Xatırladaq ki, İndoneziyada yağışlar mövsümü adətən daşqın və torpaq sürüşmələri ilə müşayiət olunur.
Bölmənin digər xəbərləri
