İnkişaf etmiş ölkələrin inkişaf etməkdə olan ölkələri enerji keçidində dəstəkləməsi olduqca zəruridir
Bakı, 16 noyabr, AZƏRTAC
Bizim fəaliyyətimiz Cənubi Afrikada müxtəlif sahələrdə ekoloji inklüziv sahıbkarlığın dəstəklənməsindən və təbliğ edilməsindən ibarətdir. Biz COP konfranslarında artıq dördüncü ildir ki, iştirak edirik. Bu konfranslarda iştirak etməkdə əsas məqsədimiz Cənubi Afrikada iqlim dəyişmələrindən əziyyət çəkən icmaları təmsil etmək, onların iqlim dəyişmələrinə dözümlülüyünü və uyğunlaşmasını artırmaqdır.
Bunu AZƏRTAC-a müsahibəsində Cənubi Afrikanın “Indalo Inclusive” qeyri-kommersiya təşkilatının direktoru və əməliyyatlar üzrə müdiri Rest Kancu deyib.
R. Kancu inkişaf etmiş ölkələrin inkişaf etməkdə olan ölkələri enerji keçidində dəstəkləməsinin olduqca zəruri olduğunu vurğulayaraq qeyd edib: “Biz öz növbəmizdə beynəlxalq ictimaiyyətin bir hissəsi olduğumuzu anlayırıq, lazım olan töhfəni də verməyə hazırıq. Başqa ölkələrdən, tərəfdaşlardan lazım olan bilikləri əldə etməyə də çalışırıq. Burada tədbirin məkanı olan Bakı Stadionunu çox bəyəndim. Çox istərdim ki, gələcəkdə burada futbol oyununu izləyim”.
Bölmənin digər xəbərləri
