İQTİSADİYYATA 2212,4 MİLYARD MANAT KREDİT QOYULMUŞDUR
İyunun 1-ə olan məlumata görə, müddəti ötürülmüş kreditlər üzrə göstəricilər nəzərə alınmamaqla, iqtisadiyyat sahələrinə ümumən 2212,4 milyard manat kredit qoyulmuşdur. Milli Bankın mətbuat xidmətindən AZƏRTAC-ın müxbirinə bildirmişlər ki, bu məbləğin 577,6 milyard manatı və ya 26,1 faizi ticarətə və xidmət sahələrinə yönəldilmişdir. Fiziki şəxslərə 584,1 milyard manat və ya 26,4 faiz kredit verilmişdir. Nəqliyyat və rabitə üçün 303,4 milyard manat və ya 13,7 faiz, energetikaya və təbiəti mühafizə tədbirlərinə 212,6 milyard manat və ya 9,6 faiz kredit ayrılmışdır. Dövlət idarəçiliyi sahəsinə 174,9 milyard manat və ya 7,9 faiz, kənd təsərrüfatına isə 117,7 milyard manat və ya 5,3 faiz kredit qoyulmuşdur. Kreditin 104 milyard manatı və ya 4,7 faizi yüngül və ağır sənayelərin, 89,9 milyard manatı və ya 4,1 faizi tikinti və əmlak sahəsinin, 48,2 milyard manatı və ya 2,2 faizi isə digər sahələrin payına düşür.
Bölmənin digər xəbərləri
