SİYASƏT
İran-Azərbaycan əlaqələrinin inkişafı dövlətlərimizin başçılarının siyasi iradəsinin nəticəsidir
![İran-Azərbaycan əlaqələrinin inkişafı dövlətlərimizin başçılarının siyasi iradəsinin nəticəsidir](/files/2014/2/1200x630/1408953300402907486_1200x630.jpg)
Tehran, 24 avqust (AZƏRTAC). İran İslam Respublikasının Azərbaycandakı səfiri Möhsün Pakayin Gilan şəhərində beynəlxalq münasibətlərə həsr olunmuş tədbirdə çıxış edib.
Səfir bildirib ki, İran-Azərbaycan münasibətləri yüksələn xətlə inkişaf edir. Əlaqələrin hərtərəfli inkişafında hər iki ölkə prezidentinin siyasi iradəsi mühüm rol oynayır. Hazırkı iqtisadi və mədəni əlaqələr, qarşılıqlı faydalı əməkdaşlıq dövlət başçılarının siyasi iradəsinin nəticəsidir. Bu əlaqələr gələcəkdə daha da inkişaf edərək hər iki ölkənin xalqına fayda verəcək.
M. Pakayinin sözlərinə görə, qarşılıqlı əlaqələr mehriban qonşuluq prinsipinə əsaslanır və son iki ildə müxtəlif sahələri əhatə edib. İran Azərbaycana kənd təsərrüfatı məhsulları və tikinti materialları ixrac edir.
Rabil Kətanov
AZƏRTAC-ın xüsusi müxbiri
Tehran