İRAN ÖZ ƏRAZİSİNDƏ ABŞ MƏTBUATININ FƏALİYYƏTİNƏ MƏHDUDİYYƏTİ SƏRTLƏŞDİRİR
AZƏRTAC İTAR-TASS-a istinadla xəbər verir ki, İran öz ərazisində ABŞ mətbuatının fəaliyyətinə yeni məhdudiyyətlər qoyur. Buna səbəb odur ki, ABŞ hökuməti BMT Baş Məclisinin sessiyasına getməyə hazırlaşan İran nümayəndə heyətinin bəzi üzvlərinə və onları müşayiət edən jurnalistlərə ölkəyə gəlmək üçün viza verməmişdir. Bunu İran Mədəniyyət və İslami-İrşad Nazirliyinin xarici mətbuat departamentinin rəhbəri Hüseyn Xoşvəqt bildirmişdir.
O demişdir: “Bundan sonra Amerika jurnalistləri İrana gələrkən yeni məhdudiyyətlərlə qarşılaşacaqlar. Özünü demokratiya və mətbuat azadlığının müdafiəçisi adlandıran ABŞ hökumətinin bu addımı onun nə dərəcədə “səmimi” olduğunu göstərir”.
Bölmənin digər xəbərləri
