İRAN PREZİDENTİ BMT-NİN BAŞ KATİBİ ADINDAN VERİLƏN ZİYAFƏTƏ GETMƏDİ
AZƏRTAC İTAR-TASS-a istinadla xəbər verir ki, İran Prezidenti Mahmud Əhmədinejad BMT Baş Məclisinin 61-ci sessiyasına gəlmiş nümayəndə heyətlərinin şərəfinə BMT-nin baş katibi Kofi Annanın adından təşkil olunmuş ziyafətə getməkdən imtina etmişdir. Buna səbəb odur ki, süfrəyə alkoqollu içkilər də qoyulmuşdur.
Adətən, İran liderləri şərab və digər spirtli içkilər təklif olunan beynəlxalq səviyyəli tədbirlərdə iştirakdan imtina edirlər.
Ziyafətdə ABŞ Prezidenti Corc Buş da olmuşdur. O, ancaq sərinləşdirici içki və şirə içmişdir, çünki alkoqollu içki içməyi 20 il əvvəl tərgitmişdir.
Bölmənin digər xəbərləri
