İran regionda 3+3 mexanizminin formalaşması təşəbbüsünü dəstəkləyir
Tehran, 23 noyabr AZƏRTAC
Rəsmi Tehran regionda 3+3 mexanizmi çərçivəsində əməkdaşlıq əlaqələrinin formalaşması təşəbbüsünü dəstəkləyir və bu formatda iştirak etməyə hazırdır.
AZƏRTAC xəbər verir ki, bu sözləri İranın Türkiyədəki səfiri Məhəmməd Farazmənd deyib.
O bildirib ki, Cənubi Qafqaz dövlətləri - Azərbaycan, Gürcüstan, Ermənistan və regionda maraqları olan İran, Türkiyə və Rusiyanın birgə əməkdaşlığı çox yaxşı nəticələr verə bilər.
Səfirin fikrincə, region dövlətlərinin bu formatda əməkdaşlığı mübahisəli məsələlərin kənar müdaxilə olmadan həllinə imkan verər. Qarşılıqlı əməkdaşlıq gələcəkdə regionda mübahisələrin meydana çıxmasına mane olar.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
