İranda son sutka ərzində 2 min 285 nəfər koronavirusa yoluxub
Tehran, 28 may, AZƏRTAC
Son 24 saat ərzində İranda 2 min 285 nəfər koronavirusa yoluxub, 63 nəfər isə həyatını itirib.
AZƏRTAC xəbər verir ki, bu barədə İranın Səhiyyə Nazirliyinin mətbuat katibi Kiyanuş Cahanpur məlumat verib. Onun sözlərinə görə, bu günə kimi İranda 143 min 849 nəfər virusa yoluxub, 7 min 628 nəfər isə ölüb. Bununla yanaşı, xüsusi xəstəxanalarda müalicə alan 112 min 988 nəfər sağalaraq evə buraxılıb.
Mətbuat katibi nəzərə çatdırıb ki, hazırda intensiv terapiya şöbəsində müalicə alan 2 min 543 nəfərin vəziyyəti ağır olaraq qalır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
