İranda vaksinasiya prosesi davam edir

13.02.2021 [17:27]
Çap et
A⁺ A^-

Tehran, 13 fevral, AZƏRTAC

Son sutka ərzində İranda koronavirusa 7 min 120 nəfər yoluxub,74 nəfər isə ölüb.

AZƏRTAC xəbər verir ki, bu barədə məlumatı İranın Səhiyyə Nazirliyinin mətbuat katibi Sima Səadət Lari Tehranda keçirdiyi gündəlik mətbuat konfransında deyib. Onun sözlərinə görə, bununla da İranda yoluxanların ümumi sayı 1 milyon 510 min 873 nəfərə, yoluxaraq ölənlərin sayı isə 58 min 809-ə çatıb.

Xüsusi xəstəxanalarda müalicə alan 3 min 720 xəstənin vəziyyəti ağır olaraq qalır. Bununla yanaşı 1 milyon 291 min 726 xəstə sağalaraq evə buraxılıb.

Bu gün Rusiyadan alınan “Sputnik V” vaksinin 2-ci hissəsi də Tehrana gətirilib. İranda vaksinasiya prosesi davam edir.

Rabil Kətanov

AZƏRTAC-ın xüsusi müxbiri

Tehran