İranın və Rusiyanın Hərbi Dəniz qüvvələri Hind okeanında təlim keçirəcəklər

Tehran, 15 fevral, AZƏRTAC

Fevralın 16-da İranın və Rusiyanın Hərbi Dəniz Qüvvələri (HDQ) Hind okeanının cənub hissəsində birgə hərbi təlim keçirəcəklər.

AZƏRTAC xəbər verir ki, bu barədə İranın HDQ-nin komandanının müavini Qulamrza Tahanai jurnalistlərə məlumat verib.

O deyib ki, İran Rusiya ilə hərbi əməkdaşlığı daha da genişləndirmək niyyətindədir.

Xüsusi təyinatlıların, helikopterlərin və pilotsuz uçuş aparatlarının da cəlb olunacağı hərbi təlimlər 17 min kvadratmetr ərazini əhatə edəcək.

Təlim zamanı ticarət və sərnişin gəmilərinin şərti terrorçulardan və dəniz quldurlarından qorunması tapşırıqları yerinə yetiriləcək.

Rabil Kətanov

AZƏRTAC-ın xüsusi müxbiri

Tehran

MÜƏLLİFLƏ ƏLAQƏ