İRLANDİYADA İCTİMAİ YERLƏRDƏ SİQARET ÇƏKMƏK QADAĞAN EDİLMİŞDİR
Beləliklə, İrlandiya Avropada barlarda, restoranlarda siqaret çəkməyi qadağan edən ilk ölkə olacaqdır. Qanunu pozanlar 3 min avro məbləğində cərimə ödəyəcəklər.
İrlandiyanın səhiyyə naziri Maykl Martinın dediyinə görə, əhalinin böyük əksəriyyəti qadağanı dəstəkləmişdir. Bundan əvvəl də ölkədə siqaret çəkməyi qadağan edən qanun layihəsinə baxılmışdı. Lakin bəzi yerlərdə, o cümlədən həbsxanalar, psixiatriya xəstəxanaları və ibtidai həbs mərkəzləri kimi yerlərdə siqaret çəkilməsi ilə əlaqədar problemlər olduğu üçün bu məsələ təxirə salınmışdı.
Qadağanın bu müəssisələrə, eləcə də mehmanxanalara aidiyyəti olmayacaqdır. Ancaq insanların çalışdığı yerlərdə və ictimai nəqliyyatda siqaret çəkilməsinə icazə olmayacaqdır. Bəzi restoran və barlarda siqaret çəkməyə ayrıca otaqlar ayrılmasına icazə verilmədiyinə görə, artıq bunun üçün küçədə, girəcək tərəfdə xüsusi yerlər düzəltmişlər.
Siqaret çəkməklə bağlı hökumətin çıxardığı qərar ən çox səhiyyə işçilərinin ürəyincədir. Çünki hər il “yaşıl adanın” 7 min sakini bu zərərli vərdiş ucbatından həyatla vidalaşmalı olur.
Bölmənin digər xəbərləri
