İRLANDİYADA SİQARETÇƏKMƏ HAQQINDA QANUNU POZANLARA QARŞI AMANSIZDIRLAR

21.07.2004 [13:02]
Çap et
A⁺ A^-

AZƏRTAC-ın xəbər verdiyi kimi, İrlandiyada ictimai yerlərdə siqaret çəkilməsini yasaqlayan qanun qəbul edilmişdir. Qanun artıq tam ciddiliyi ilə və heç kimə güzəşt edilmədən həyata keçirilir.

Bu günlərdə həmin qanunun pozulduğu barlardan biri müəyyən edilmiş və onun sahiblərinə cərimə sanksiyaları tətbiq olunmuşdur. Qalvey qraflığındakı “Ti Hanrai” barının sahibinə məhkəmənin qərarı ilə 1,7 min avro məbləğində cərimə kəsilmişdir. Çünki o, müştərilərin siqaret çəkməsinə göz yummuşdur. İrlandiya Səhiyyə Nazirliyinin komissiyası barın döşəməsində siqaret kötüklərini hələ apreldə aşkar etmiş, onun sahibinə şifahi xəbərdarlıq göndərmişdi. Lakin o, bundan nəticə çıxarmamışdır. Xatırladaq ki, İrlandiyada ictimai yerlərdə siqaret çəkilməsini qadağan edən qanun bu ilin martında tətbiq olunmuşdur.

İRLANDİYADA SİQARETÇƏKMƏ HAQQINDA QANUNU POZANLARA QARŞI AMANSIZDIRLAR

MÜƏLLİFLƏ ƏLAQƏ

Bölmənin digər xəbərləri