İşğaldan azad edilmiş Dövlətyarlı kəndində günəş panelləri quraşdırılacaq
Füzuli, 29 sentyabr, Tahir Ağaməmmədov, AZƏRTAC
İşğaldan azad edilmiş Füzuli rayonunun Dövlətyarlı kəndində xarici investisiya əsasında alternativ enerji həlləri üzrə günəş paneli tarlası salınacaq.
Bunu AZƏRTAC-ın bölgə müxbirinə açıqlamasında Qarabağ İqtisadi Rayonunda Bərpa, Tikinti və İdarəetmə Xidməti publik hüquqi şəxsin İcraçı direktorunun müavini Səbuhi Abdullayev deyib.
O bildirib ki, investisiya layihəsində gücü 50 meqavat nəzərdə tutulan bu sahədə 20 daimi iş yeri yaradılacaq. Bütün yaşayış evlərinin, sosial obyektlərin, kənd təsərrüfatı məhsullarının emalı və istehsalı prosesinin alternativ enerji mənbələri ilə təmin ediləcək.
Bölmənin digər xəbərləri
