İSLAM KONFRANSI TƏŞKİLATI BEYNƏLXALQ İSLAM TELEQRAF AGENTLİYİNİN İŞİNİ BƏRPA ETMƏK NİYYƏTİNDƏDİR
AZƏRTAC İRNA agentliyinə istinadla xəbər verir ki, Malayziyanın informasiya naziri Əbdül Qədir Şeyx Fəzir İranı Beynəlxalq İslam Teleqraf Agentliyinin (BİTA) fəaliyyətinin bərpa olunması prosesində əməkdaşlığa dəvət etmişdir. Şeyx Fəzir İranın mədəniyyət və islami irşad naziri Məhəmməd Hüseyn Səfər Xarəndi ilə görüşündə demişdir ki, İslam Konfransı Təşkilatının (İKT) baş katibi Ekmələddin İhsanoğlu BİTA-nın fəaliyyətini bərpa etmək niyyətini bildirmiş və Malayziyanı əməkdaşlığa çağırmışdır.
İran naziri isə demişdir ki, onun ölkəsi bu məsələdə əməkdaşlığa hazırdır və BİTA-nın bərpası dünyada islam əleyhinə təbliğat aparan Qərblə qarşıdurmada bir vasitə ola bilər.
Bölmənin digər xəbərləri
