İSLANDİYADA PREZİDENT SEÇKİLƏRİNDƏ İNDİKİ DÖVLƏT BAŞÇISI QALİB GƏLMİŞDİR
AZƏRTAC-ın İTAR-TASS agentliyindən aldığı xəbərə görə, İslandiyada keçirilən prezident seçkilərində indiki dövlət başçısı Olavur Raqnar Qrimsson qalib gəlmişdir. İlkin məlmutda bildirilir ki, o, səslərin 85 faizini toplamışdır. Beləliklə, 61 yaşlı Qrimsson bu vəzifəni üçüncü dəfə tutacaqdır.
Onun ən yaxın rəqibi – sahibkar Baldür Auqüstson təxminən 12 faiz səs qazanmışdır.
Təhlilçilərin fikrincə, Qrimssonun qələbəsi onun, əsasən, son vaxtlar həyata keçirdiyi tədbirlərlə bağlıdır. Məsələn, iyunun əvvəllərində o, kütləvi informasiya vasitələri üzərində inhisarın qadağan edilməsi haqqında hökumətin qanun layihəsinə veto qoymuşdur.
Bölmənin digər xəbərləri
