İsmet Cahan: İslamofobiyaya qarşı ən yüksək səviyyədə tədbirlər görülməlidir
Bakı, 15 mart, AZƏRTAC
Bir çox ölkələrdə belə bir düşüncə var ki müsəlmanlar terrorçudur. Bu düzgün yanaşma deyil, eyni zamanda, belə düşüncə şiddətə gətirib çıxarır.
AZƏRTAC xəbər verir ki, bu sözləri İslam Əməkdaşlıq Təşkilatının Avropa İttifaqı yanındakı səfiri və daimi müşahidəçisi İsmet Cahan “İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar” mövzusunda beynəlxalq konfrans çərçivəsində keçirilən “İslamofobiya: Avropa və milli qanunvericilik” adlı plenar sessiyada deyib.
Avropada yayılan İslam dininə qarşı zorakılıqdan bəhs edən və bununla bağlı həll yollarının tezliklə tapılmalı olduğunu diqqətə çatdıran İsmet Cahan əlavə edib: "İslamofobiyaya qarşı ən yüksək səviyyədə tədbirlər görülməlidir. Biz də bununla bağlı müəyyən addımlar atmalı, işlər görməliyik. Xüsusilə qadınlar İslam dininin buyurduğu geyim formasında olduqda onlara qarşı alçaldıcı rəftarlar edilir və hətta qeyd edilir ki, onlar “azad olunmalıdır”. Avropada olan insanların bu baxımdan biliyi daha da artırılmalıdır. İslam haqqında məlumatı az olan insanların biliyini artırması üçün bu Konfrans bir fürsətdir”.
Bölmənin digər xəbərləri
