İSPANİYA HÖKUMƏTİ YENİYETMƏLƏR ARASINDA SPİRTLİ İÇKİLƏRDƏN İSTİFADƏYƏ MƏHDUDİYYƏTQOYMAĞA HAZIRLAŞIR

19.09.2006 [13:11]
Çap et
A⁺ A^-

AZƏRTAC-ın xüsusi müxbiri Frans Press Agentliyinə istinadən xəbər verir ki, yeniyetmələr arasında spirtli içkilərə meyilin artmasından narahat olan İspaniya hökuməti məsələ ilə bağlı bəzi tədbirlər görməyi qərara almışdır.

Hazırlanmış layihədə 18 yaşına çatmamış yeniyetmələrə spirtli içkilərin satışına, ictimai yerlərdə və küçələrdə onlardan istifadə edilməsinə qadağa qoyulması nəzərdə tutulmuşdur.

Ölkənin səhiyyə naziri ictimaiyyətin, xüsusilə gənc nəslin sağlamlığını qorxu altına qoyan bu ciddi problemə qarşı mübarizə aparmağın vaxtının çatdığını bəyan etmişdir.

İspaniyada yeniyetmələr 13-14 yaşından, bəzən isə 11 yaşından spirtli içki içməyə başlayırlar. 14-18 yaşlı yeniyetmələrin 50 faizi mütəmadi alkoqol qəbul edir.

Yeni layihədə yaşlılara yerli vaxtla axşam saat 10-dan səhər saat 8-dək spirtli içkilərin satışına qadağa qoyulması da öz əksini tapmışdır.

Yeni layihənin yaxın vaxtlarda ölkə parlamentində müzakirə ediləcəyi gözlənilir.