İSRAİL-FƏLƏSTİN EKSPEDİSİYASI ANTARKTİDADA İNDİYƏDƏK ÖYRƏNİLMƏMİŞ ZİRVƏNİ FƏTH ETMİŞDİR
AZƏRTAC-ın xəbər verdiyi kimi, yanvarın 1-də dörd israillidən və dörd fələstinlidən ibarət birgə ekspedisiya Antarktidada naməlum bir zirvəni fəth etmək üçün Çilinin Puerto-Uilyams hərbi dəniz bazasından cənub qütbünə yola düşmüşdür. Xarici informasiya agentliklərinin yaydığı xəbərə görə, ekspedisiya Antarktidanın Bryus yaylası rayonundakı 997 metr hündürlüyündə olan dağa qalxmış və ona “İsrail-Fələstin dostluğu dağı” adı vermişdir.
“Buzları yara-yara” rəmzi ad daşıyan ekspedisiyanın rəhbəri Eskel Nataniel demişdir: “Biz sübut etdik ki, israillilər və fələstinlilər əməkdaşlıq edə, bir-birinə hörmət və inam bəsləyə bilərlər. Biz problemlərin həlli üçün hər cür zorakılıq formalarını rədd edir və bildiririk ki, xalqlarımız sülh və dostluq şəraitində yaşaya bilər və buna layiqdirlər”.