İsrailin müdafiə naziri atəşkəsin pozulmasından sonra Tehrana zərbələr endirmək əmri verib
Bakı, 24 iyun, AZƏRTAC
İranın İsrailin şimalını yenidən raket atəşinə tutaraq atəşkəsi pozmasından sonra müdafiə naziri İsrael Kats İsrail Müdafiə Qüvvələrinə Tehrana qarşı intensiv hücum əməliyyatlarını davam etdirməyi əmr edib.
AZƏRTAC xəbər verir ki, bu barədə ölkənin TPS -IL xəbər agentliyi məlumat yayıb. Bildirilib ki, Kats bununla bağlı bəyanat yayıb.
“İranın ABŞ Prezidentinin elan etdiyi atəşkəs rejimini kobud şəkildə pozması və İsrailə doğru raketlər atması fonunda, həmçinin istənilən pozuntuya qətiyyətlə cavab vermək niyyətində olan İsrail hökumətinin siyasətinə uyğun olaraq mən İsrail Müdafiə Qüvvələrinə Baş nazirlə koordinasiyalı şəkildə Tehrana qarşı intensiv hücum əməliyyatlarını davam etdirməyi tapşırdım”, - deyə bəyanatda bildirilir.
Bölmənin digər xəbərləri
