İSTANBULDA IV BEYNƏLXALQ UŞAQ FİLMLƏRİ FESTİVALI KEÇİRİLƏCƏKDİR
Türkiyənin ölkəmizdəki səfirliyinin mədəniyyət və tanıtma müşavirliyindən AZƏRTAC-a verilən məlumata görə, festivalda sənədli, tam və qısa metrajlı filmlərin nümayişi ilə yanaşı, müxtəlif tədbirlər də keçiriləcəkdir.
Uşaq münsiflər heyətinin seçəcəyi ən yaxşı filmə mükafat veriləcəkdir.
Müşavirlik Azərbaycan kinematoqrafçılarının bu müsabiqəyə qatılacağına və uğurla çıxış edəcəklərinə inanır. Səfirlik əmindir ki, onların festivalda iştirakı ölkələrimiz arasında mədəni əlaqələrin genişlənməsinə və yeni yaradıcılıq üfüqlərinin açılmasına kömək edəcəkdir.
Festivalda iştirak etmək, filmlərini göndərmək istəyən hüquqi və fiziki şəxslər bu ünvana müraciət edə bilərlər: Şule Tükel, Ümumi təşkilatçı, Tel:0212 296 50 16, Faks: 0 212 296 50 04, Epoçt: info @ iicff. com, İnternet ünvanı: www.iicff.com
Bölmənin digər xəbərləri
