İstanbulda üçtərəfli formatlarda Ukraynaya dair görüşlər təşkil edilib
Ankara, 16 may, AZƏRTAC
Cümə günü, mayın 16-da İstanbulda Türkiyə-ABŞ-Ukrayna və Türkiyə-Rusiya-Ukrayna formatlarında danışıqlar təşkil olunub.
Türkiyə Xarici İşlər Nazirliyindən AZƏRTAC-a bildirilib ki, Dolmabahçe sarayının ərazisindəki Türkiyə Prezidentinin ofisində Rusiya-Ukrayna böhranının həlli ilə bağlı müzakirələr aparılır.
Türkiyə-ABŞ-Ukrayna formatında keçirilən görüş yerli vaxtla saat 10:45-də başlayıb, Türkiyə-Rusiya-Ukrayna formatında isə saat 12:30-a planlaşdırılıb.
Danışıqlarda Ukrayna nümayəndə heyətinə müdafiə naziri Rustem Umerov, Rusiya nümayəndə heyətinə isə RF Prezidentinin köməkçisi Vladimir Medinski başçılıq edirlər.
Ukrayna ilə bağlı danışıqlardan əvvəl ABŞ-ın dövlət katibi Marko Rubio bu gün səhər saatlarında İstanbula gəlib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
