İstanbuldakı kilsəyə silahlı hücumla bağlı 17 İŞİD üzvü saxlanılıb
İstanbul, 3 fevral, AZƏRTAC
İstanbulda yerləşən Santa Mariya kilsəsində baş vermiş silahlı insidentlə bağlı 17 İŞİD üzvü saxlanılıb.
AZƏRTAC xəbər verir ki, hadisə ilə əlaqədar Türkiyə Milli Kəşfiyyat Təşkilatı (MİT) tərəfindən İstanbulda genişmiqyaslı təhqiqat aparılıb. Nəticədə İŞİD-in Əfqanıstan qolu olan terror qruplaşmasının Türkiyəyə qarşı fəaliyyət göstərən üzvü, eləcə də kilsəyə hücumla əlaqəsi olduğu ehtimal edilən 17 şübhəli şəxs saxlanılıb. Onların ünvanlarında aparılan axtarış zamanı terror təşkilatına aid çoxaylı rəqəmsal material aşkarlanıb.
Qeyd edək ki, MİT-in gördüyü işlər nəticəsində 2023-cü ilin dekabr ayında İŞİD-in Türkiyədəki sinaqoq və kilsələrə, eləcə də İraq səfirliyinə qarşı terror planlarının qarşısı alınıb, təşkilatın çoxlu sayda üzvü yaxalanıb.
Bölmənin digər xəbərləri
