İsveçdə inflyasiya artmaqda davam edir
Stokholm, 20 fevral, Nərgiz Cəfərli, AZƏRTAC
Cari ilin yanvar ayında İsveçdə inflyasiya yüksəlməyə başlayıb və 5,0 faizlik proqnoza qarşı 5,4 faizədək artım nümayiş etdirib.
AZƏRTAC İsveçin Statistika İdarəsinə istinadla xəbər verir ki, inflyasiya digər sahələrdən əvvəl mənzillərin qiymətinə öz təsirini göstərib.
Eyni zamanda, qida məhsullarının və elektrik enerjisinin qiymətləri də yüksəlməyə davam edir. Vəziyyətin 2024-cü ildə düzələcəyi proqnozlaşdırılmır.
“Biz resessiyanın düz ortasındayıq, bundan daha çox zərər çəkənlər isə ölkənin gəlirlərini azaltmağa və xərclərini artırmağa məcbur olan bölgələridir. Bundan əlavə, bu il işsizliyin sayının da artacağı gözlənilir”, – deyə maliyyə naziri Elizabet Svantesson bildirib.
Bölmənin digər xəbərləri
