İtaliya daha 380 vətəndaşını İsraildən təxliyə edib

11.10.2023 [04:12]
Çap et
A⁺ A^-

Roma, 11 oktyabr, AZƏRTAC

İtaliya müharibə şəraitində olan İsraildən vətəndaşlarının təxliyəsini davam etdirir.

AZƏRTAC xəbər verir ki, göyərtəsində 200 italiyalı olan Hərbi Hava Qüvvələrinə məxsus iki təyyarə “Pratica di Mare” hava limanına gəlib. Həmçinin 180 nəfər “Neos” aviaşirkətinin sərnişin təyyarəsi ilə ölkəyə qayıdıb.

İtaliya Baş nazirinin müavini, xarici işlər və beynəlxalq əməkdaşlıq naziri Antonio Tayani oktyabrın 11-də daha 500 italiyalının dörd təyyarə ilə ölkəyə qayıdacağını bildirib. Qeyd edib ki, İsraildə 18 min italiyalı var və onların çoxu buranın sakinidir. Minə yaxını isə ikili pasportla hərbi xidmətə yazılıb.

Nazir Qəzza zolağında qapalı vəziyyətdə 10 İtaliya vətəndaşının qaldığını deyib. İsraildə minə yaxın müvəqqəti səyahətçi olduğu bildirilib.

Nihad Budaqov

AZƏRTAC-ın xüsusi müxbiri

Roma