İtaliya hökuməti koronavirusun gətirdiyi çətinliklərlə bağlı yeni həll yolları tətbiq edəcək
Roma, 17 mart, AZƏRTAC
İtaliyanın Baş Naziri Cüzeppe Konte martın 17-də yeni açıqlamalarla çıxış edib.
AZƏRTAC xəbər verir ki, o, italyanları bu ağır durumda mətanətli olmağa səsləyərək hökumətin yeni qərarlarını da açıqlayıb. Belə ki, İtaliya hökuməti ölkəyə qayıtmaq istəyən italyanlar üçün daha etibarlı qoruma paketi tətbiq edəcək. Onlar daha sərt qaydalar əsasında izolyasiya olunacaq.
Habelə ölkə ərazisində satışa buraxılan ərzaq və istehlak malları xüsusi yoxlamadan keçiriləcək.
Baş Nazir deyib ki, hökumət hər bir vətəndaşın arxasındadır. Xüsusilə şəxsi təhlükəsizliyini unudub xəstələrə yardım etməyə çalışan könüllülər və tibb işçiləri, habelə adi vətəndaşlara yardım edərək birlikdə bu gərgin durumun öhdəsindən gəlməyə çalışırlar. Özəl xəstəxanalarda çalışan mütəxəssislər də ümumi işə cəlb olunacaq. Dövlət yeni çarpayıların alınması üçün maddi vəsait ayırıb.
Yaranmış vəziyyətlə bağlı işsiz qalmış şəxsi biznes sahiblərinə isə aylıq 600 avro maddi yardım, həmçinin vergidən müvəqqəti azadolma kimi kömək tətbiq olunacaq.
Aygün Əliyeva
AZƏRTAC-ın xüsusi müxbiri
Roma
Bölmənin digər xəbərləri
