İtaliya yığmasının hücumçusu Argentina klubundan “Cenoa”ya keçib
Bakı, 27 iyul, AZƏRTAC
Argentinanın “Tiqre” klubunun və İtaliya yığmasının hücumçusu Mateo Reteqi “Cenoa” komandasına keçib.
AZƏRTAC İtaliya klubunun mətbuat xidmətinin məlumatına istinadla xəbər verir ki, 24 yaşılı forvard tibbi müayinəni uğurla başa vurub. Futbolçu artıq yeni komandanın tərkibində məşqlərə başlayıb.
Bundan əvvəl bildirilmişdi ki, “Vulverhempton” gənc forvarda iddialıdır, lakin maliyyə feyr-pleyi qaydaları italiyalı futbolçuya İngiltərə premyer-liqasında oynamağa imkan verməyib.
Reteqi bu mövsümdə “Tiqre” komandasının tərkibində bütün turnirlərdə 28 matça çıxıb, həmin oyunlarda 12 qol vurub və bir məhsuldar ötürmə edib. Futbolçunun Argentina klubu ilə kontraktı bu ilin dekabrına qədər qüvvədədir. “Transfermarkt” internet portalının xəbərinə görə, oyunçunun təqribi qiyməti 16 milyon avrodur.
Bölmənin digər xəbərləri
