İtaliyada pandemiya ilə əlaqədar fövqəladə vəziyyət rejiminin müddəti iyulun sonuna kimi uzadılıb
Roma, 22 aprel, AZƏRTAC
İtaliya hökuməti koronavirus pandemiyası ilə əlaqədar ölkədəki fövqəladə vəziyyətin müddətinin iyulun 31-dək uzadılması barədə qərar qəbul edib.
AZƏRTAC xəbər verir ki, yanvarın 31-dən qüvvədə olan fövqəladə vəziyyətin müddətinin uzadılması hökumətə pandemiyaya qarşı mübarizədə bir sıra imkanlar açır və qərarların bürokratik maneələr olmadan qəbul edilməsini təmin edir. Buraya iqtisadi həyatla bağlı qərarların qəbulu, kütləvi tədbirlərin keçirilməsinin nizamlanması və həmçinin ictimai məkanlarda insanların toplaşmasına nəzarətin həyata keçirilməsi daxildir.
Hazırda İtaliyada həftəlik yoluxma tempi tədricən aşağı düşür. Bunu nəzərə alaraq, hökumət aprelin 26-dan etibarən pandemiya ilə əlaqədar bir sıra məhdudiyyətlərin yumşaldılması barədə də qərar qəbul edib.
Elgün Niftəli
AZƏRTAC-ın xüsusi müxbiri
Roma
Bölmənin digər xəbərləri
