İtaliyada turistlərin olduğu qayığın batması 4 nəfərin ölümü ilə nəticələnib

29.05.2023 [18:36]
Çap et
A⁺ A^-

Roma, 29 may, AZƏRTAC

İtaliyanın şimalındakı Maggiore gölündə turistlərin olduğu 16 metrlik yelkənli qayığın batması nəticəsində 4 nəfər ölüb.

AZƏRTAC xəbər verir ki, sərnişinlər və ekipaj üzvləri daxil olmaqla 24 nəfərin olduğu qayıq əlverişsiz hava səbəbindən aşıb. İyirmi nəfər ətrafdakı qayıqlar tərəfindən xilas edilib, onlardan bəziləri üzərək sahilə çıxıb. Hadisə nəticəsində 4 nəfər itkin düşüb və onların cəsədləri dalğıclar tərəfindən göldən çıxarılıb.

Qayığın güclü küləyin səbəb olduğu yüksək dalğalar nəticəsində aşdığı ehtimal edilir.

Nihad Budaqov

AZƏRTAC-ın xüsusi müxbiri

Roma