SİYASƏT
İtaliyadakı Azərbaycan diasporu Milandakı Qocalar Evində Novruz bayramı münasibətilə xeyriyyə tədbiri keçirmişdir
Bakı, 19 mart (AZƏRTAC). İtaliyada fəaliyyət göstərən “Azəri” Azərbaycan Mədəniyyət Assosiasiyası martın 18-də Milandakı Qocalar Evində Novruz bayramı münasibətilə xeyriyyə tədbiri keçirmişdir.
Diasporla İş üzrə Dövlət Komitəsindən AZƏRTAC-a bildirmişlər ki, Milan Politexnik Universitetinin professoru Maurizio Cespini tədbir iştirakçılarına Novruz bayramı haqqında ətraflı məlumat vermişdir. Daha sonra Nəzakət Nuriyevanın tələbələri pianoda Azərbaycan bəstəkarlarının əsərlərini ifa etmişlər.
Martın 22-də Milanda “Azəri” Azərbaycan Mədəniyyət Assosiasiyası tərəfindən “Orizon” rəqs qrupunun iştirakı ilə Novruz bayramına həsr edilmiş konsert proqramı da olacaqdır.