İtaliyanın “Fidelity house” saytı Bakının turizm imkanlarından bəhs edir
Roma, 9 oktyabr, AZƏRTAC
İtaliyanın “Fidelity house” saytında Bakının turizm imkanlarından bəhs edən məqalə yerləşdirilib.
Məqalədə qeyd olunur ki, Şərq və Qərbin kəsişməsində yerləşən Bakı ecazkar kosmopolit bir şəhərə çevrilib. Qədim abidələr və müasir tikililərlə əhatə olunan bu şəhəri kəşf etməyə dəyər.
“Bakı” sözünün mənşəyi barədə məlumat verən müəllif bildirir ki, bu söz “Badi Kubə” (Küləklər şəhəri) mənasını verir. Yazıda vurğulanır ki, Bakıda tarixin izlərini daşıyan tikililər, o cümlədən qədim saraylar, məscidlər müasir elementlərlə vəhdət təşkil edir.
Bakının tarixi haqqında məlumat verilən məqalədə qeyd olunur ki, şəhərin əsas tarixi mərkəzi sayılan İçərişəhər 2000-ci ildə UNESCO-nun Dünya İrs Siyahısına daxil edilib. Burada yerləşən Qız qalası, Şirvanşahlar sarayı və digər tarixi abidələr Bakının qədim simasını özündə əks etdirir. İçərişəhərin qədim və dar küçələri arasında gəzərkən hər kəs fərqli hisslər yaşayır.
Maqsud Dadaşov
AZƏRTAC-ın xüsusi müxbiri
Roma
Bölmənin digər xəbərləri
