İtalyan dili kursunu bitirən məzunlara sertifikatlar təqdim olunub
Bakı, 31 may, AZƏRTAC
Müdafiə Nazirliyinin Milli Müdafiə Universitetinin tərkibində fəaliyyət göstərən Hərbi İdarəetmə İnstitutunda orta səviyyəli italyan dili kursunun başa çatması ilə əlaqədar buraxılış mərasimi keçirilib.
Nazirliyin mətbuat xidmətindən AZƏRTAC-a bildiriblər ki, mərasimdə İtaliya Respublikasının Azərbaycan Respublikasında akkreditə olunmuş hərbi attaşesi Ettore Qaqliardi də iştirak edib.
Çıxış edənlər Azərbaycan ilə İtaliya arasında hərbi əməkdaşlığın genişləndirilməsi istiqamətində belə kursların əhəmiyyətindən danışıb, məzunları təbrik edib və onlara gələcək xidməti fəaliyyətlərində uğurlar arzulayıblar.
Sonda kursu bitirən məzunlara sertifikatlar təqdim olunub, xatirə fotosu çəkdirilib.
Bölmənin digər xəbərləri
