İyirmi altı il öncə xalqımız öz əyilməzliyini və məğrurluğunu nümayiş etdirib
Bakı, 20 yanvar, AZƏRTAC
İyirmi altı il bundan öncə o qanlı yanvar gecəsində öz azadlığına, müstəqilliyinə can atan xalqımız həm də mübarizliyini, əyilməzliyini və məğrurluğunu nümayiş etdirib.
Bu sözləri yanvarın 20-də Şəhidlər xiyabanını ziyarət edən texniki fənlər üzrə fəlsəfə doktoru İslam Göyüşov AZƏRTAC-a müsahibəsində deyib.
O bildirib ki, böyük itkilər, günahsız insanların qətli ilə nəticələnən 20 Yanvar faciəsi Mixail Qorbaçov başda olmaqla cinayətkar imperiya rəhbərliyinin Azərbaycana qarşı xəyanətkar siyasətinin məntiqi nəticəsi idi. Vətən oğullarının qanı bahasına uzun illərdən bəri arzusunda olduğumuz müstəqilliyə qovuşduq və ölkəmiz suverenlik əldə etdi. Bu qanlı hadisələrdən illər keçməsinə baxmayaraq, xalqımız o müdhiş gecəni daim xatırlayır, bu faciəni törədənlərə öz dərin nifrətini bildirir.
Bölmənin digər xəbərləri
