İzmirdə həlak olanların sayı 91 nəfərə çatıb
İzmir, 2 noyabr, AZƏRTAC
İzmirdə baş verən zəlzələ nəticəsində həlak olanların sayı 91 nəfərə çatıb.
AZƏRTAC xəbər verir ki, bu barədə Türkiyə Daxili İşlər Nazirliyinin nəzdində fəaliyyət göstərən Fövqəladə Halların İdarə Olunması Agentliyindən (AFAD) bildirilib.
Məlumatda qeyd edilib ki, yeraltı təkanlar zamanı yaralananlardan 155 nəfərin müalicəsi davam edir.
Qeyd edək ki, oktyabrın 30-da baş verən 6,6 bal gücündə zəlzələdən sonra bölgədə şiddəti 1-5,1 bal arasında olan 1230 afterşok qeydə alınıb.
Günel Məlikova
AZƏRTAC-ın xüsusi müxbiri
İzmir
Bölmənin digər xəbərləri
