“Jemçujina Vostoka” ansamblı qələbə qazanmışdır
Bakı, 28 mart (AZƏRTAC). Murmanskdakı 49 nömrəli şəhər ümumtəhsil orta məktəbində “Şöhrət dəqiqəsi” müsabiqəsi keçirilmişdir.
Müsabiqənin iştirakçılarından öz istedadlarını nümayiş etdirmək tələb olunurdu. Müsabiqədə Ümumrusiya Azərbaycan Konqresinin regional bölməsinin nümayəndələri olan həmvətənlərimiz iştirak etmişlər.
Rəşad Əliyev, Səbinə Əliyeva, Emiliya Həsənova və Samiq Ağayevdən ibarət “Jemçujina Vostoka” ansamblı Murmanskda böyük nüfuz qazanmışdır. Həmyerlilərimizi müxtəlif müsabiqələrə və tədbirlərə dəvət edirlər. Rəqiblərinin çoxluğuna və “Şöhrət dəqiqəsi” müsabiqəsində gərgin mübarizə getdiyinə baxmayaraq “Jemçujina Vostoka” ansamblı qələbə qazanmışdır.
Bölmənin digər xəbərləri
