“JUNJİN” ŞİRKƏTİNİN BETON POMPALARININ TƏQDİMAT MƏRASİMİ KEÇİRİLMİŞDİR
“JUNJİN Europe” şirkətinin ölkəmizdə rəsmi təmsilçisi olan “Avtomotors” MMC şirkətin nümayəndələri ilə birlikdə JUNJİN beton pompalarının təqdimat mərasimini keçirmişdir.
MMC-nin baş direktoru Rasim Xudaverdiyev və “JUNJİN Europe” şirkətinin Türkiyə və Asiya ölkələri üzrə regional direktoru Yılmaz Sarıca əsası 1980-ci ildə Koreya Respublikasında qoyulmuş şirkət haqqında qısa məlumat vermişlər. Bildirilmişdir ki, JUNJİN beton pompalarına dünyanın 80 ölkəsinin tikinti meydançasında - Şimali və Cənubi Amerikada, Yaxın və Orta Şərqdə, Mərkəzi Asiyada rast gəlmək mümkündür. Hazırda şirkətin məhsulları Avropa ölkələrində də uğurla satılır və məhz buna görə də 2005-ci ildə Belçikada “JUNJİN Europe” şirkəti yaradılmışdır. Bu maşınlara Azərbaycanda da böyük tələbat olduğu qeyd edilmiş və artıq 2 ədəd beton pompasının müştərilərə təhvil verildiyi diqqətə çatdırılmışdır.
Tədbirdə şirkət haqqında film göstərilmiş, maşınların texniki xüsusiyyətləri barədə məlumat verilmişdir.
Sonda özəl şirkətlərin və KİV nümayəndələrinin sualları cavablandırılmışdır.
Bölmənin digər xəbərləri
