Kamandan oxatma üzrə Azərbaycan çempionu: Öz çıxışımdan tam razı qalmadım
Bakı, 7 fevral, AZƏRTAC
"Qalib olduğum üçün şadam".
AZƏRTAC xəbər verir ki, bu sözləri kamandan oxatma üzrə Azərbaycan millisinin üzvü Yaylagül Ramazanova ölkə birinciliyi və çempionatı barədə danışarkən deyib.
Böyüklər arasında qızıl medala sahib çıxan idmançı nəticəsindən tam razı qalmadığını bildirib: "Birinciliyi daha yaxşı nəticə ilə əldə edəcəyimi düşünürdüm. Yeni ana olduğum üçün az məşq etmişdim. Çempionatda istedadlı gənclər iştirak edir. Finalda rəqibimlə başabaş mübarizə getdi. Lakin sonda qələbəni əldə etdiyim üçün sevinirəm".
Qeyd edək ki, iki gün davam edən turnirdə Azərbaycanın müxtəlif bölgələrini təmsil edən 60-a yaxın idmançı mübarizə aparıb.
Bölmənin digər xəbərləri
