Kanika Devan: İqlim problemləri ilə mübarizə aparmaq üçün maliyyə şərtdir
Bakı, 19 noyabr, AZƏRTAC
“Bütün iqlim problemləri ilə mübarizə aparmaq üçün maliyyə şərtdir”.
Bunu AZƏRTAC-a müsahibəsində “Ka Design” atelyesinin təsisçisi və kreativ direktoru, Bramco Qrupunun prezidenti, Dünya İqtisadi Forumunun gənc qlobal lideri Kanika Devan (Kanika Dewan) deyib.
“Mənim özəl sektorda çalışdığım şirkət 1975-ci ildən bəri davamlılıq, sıfır, tullantı, dairəvi iqtisadiyyat istiqaməti üzrə fəaliyyət göstərir. Həmin ildən sıfır tullantı, əhəngdaşı hasilatı, ada meliorasiyası ilə bağlı işlər görürük”, - deyə o, çalışdığı qurumla bağlı məlumat verib.
Kanika Devan bildirib ki, iqlimin davamlılığından yalnız temperatur nöqteyi-nəzərindən danışmaq düzgün deyil: “Temperatur torpaqla bağlıdır. Əgər torpaq yaxşıdırsa, deməli bütün iqlim dövrü yaxşıdır.
Bu gün yaranan problemlərdən biri də infrastruktur qurarkən həddindən artıq sintetik qatranlardan istifadə edərək, təmiz sudan uzaq durmaqdır. Duz miqdarı və turşuluq çox olduqda binanın dağılması baş verir. 2001-ci ildə qurduğum işlə hava limanları, super yaxtalar hazırladım. Bunlar tam sıfır tullantı qanununa əsaslanırdı. Biz bunu etməklə ekoloji baxımdan, rifah nöqteyi-nəzərindən davamlı olduğumuzu bildiririk.
Bildirməliyəm ki, bütün iqlim problemləri ilə mübarizə aparmaq üçün maliyyə şərtdir”.
Bölmənin digər xəbərləri
