“Karton pak” ekoloji cəhətdən təmiz qutuların istehsalı ilə məşğuldur
Bakı, 3 noyabr (AZƏRTAC). Bakıda keçirilən “Xəzər: ətraf mühit üçün texnologiyalar” (“CTE 2011”) beynəlxalq sərgisində “Karton pak” müəssisəsi də öz məhsullarını nümayiş etdirir.
“Karton pak”ın təmsilçisi Nazim Əhmədov AZƏRTAC-a bildirmişdir ki, müəssisə müxtəlif profilli kartondan Almaniya, Rusiya, Çindən gətirilmiş avadanlıqlar vasitəsilə sadə və mürəkkəb kəsimli, ekoloji cəhətdən təmiz qutuların istehsalı ilə məşğuldur.
Sənaye, yeyinti, kənd təsərrüfatı məhsullarının qablaşdırılması və daşınması üçün nəzərdə tutulan qutular, həm də təkrar emal oluna bilir. Müştərinin istəyindən asılı olaraq firma məhsulların çatdırılmasını təmin edir. Məhsulların təmiz və korlanmamış çatdırılması üçün xüsusi bağlamalardan istifadə olunur.
Bölmənin digər xəbərləri
