Bakı, 15 fevral, AZƏRTAC

Karyera məsləhəti üzrə mütəxəssislərin hazırlanması üçün tədris bazası yaradılacaq.

AZƏRTAC xəbər verir ki, bu məsələ Azərbaycan Respublikası Prezidentinin 2020-ci il 13 fevral tarixli Sərəncamı ilə təsdiq edilmiş “Məşğulluq Strategiyasının həyata keçirilməsinə dair 2020-2025-ci illər üçün Tədbirlər Planı”nda əksini tapıb. Tədbirlər Planına əsasən işi 2020-2023-cü illərdə Təhsil Nazirliyi Əmək və Əhalinin Sosial Müdafiəsi Nazirliyi ilə birgə icra edəcək.

Tədbirlər Planında bunun üçün artıq kurikulum və təlim materiallarının hazırlandığı qeyd olunub.