DÜNYA
“KASSİNİ” SATURN HALQALARININ İLK FOTOŞƏKİLLƏRİNİ GÖNDƏRMİŞDİR
AZƏRTAC-ın xəbər verdiyi kimi, ABŞ Milli Aeronavtika və Kosmik Fəzanın Tədqiqi Agentliyinin “Kassini” kosmik aparatı yeddi illik səyahətini başa çatdıraraq, Saturn planetinin orbitinə çıxmışdır. Assoşieyted Press agentliyinin yaydığı xəbərə görə, “Kassini” Saturn halqalarının ilk fotoşəkillərini Yerə göndərmişdir.
Layihənin başçısı xanım Kerolin Porko şəkilləri şərh edərək demişdir: “Tamamilə inanılmazdır. Halqaların bəzi seqmentləri yüngül tüstünü xatırladır, digərləri isə suyun üzərindəki xəfif ləpələrə oxşayır”.
Layihədə iştirak edən mütəxəssislərin sözlərinə görə, indi ekspertlər halqaları müntəzəm surətdə müşahidə edə bilərlər.
Bölmənin digər xəbərləri
