Keçmiş məcburi köçkün: Artıq Qarabağın şad günləri başlayıb
Ağdam, 31 yanvar, Tahir Ağaməmmədov, AZƏRTAC
Doğma yurdumdan didərgin düşəndə 35 yaşım var idi. İndi 68 yaşımdayam. Ömrümün otuz ildən çoxu köçkünlükdə Vətən həsrəti ilə keçdi. Çox sevinirəm ki, uzun illərdən sonra olsa da, bu gün öz torpağıma qayıdıram.
Bu sözləri Ağdamda AZƏRTAC-ın bölgə müxbirinə açıqlamasında Xocalının Ballıca kəndinə köç edən keçmiş məcburi köçkün Südabə Cavadova deyib.
“Atalarımız “Yaman günün ömrü az olar”, demişlər. Şükürlər olsun ki, Qarabağımız azad edildi, pis günlərimiz arxada qaldı. Artıq Qarabağın şad günləri başlayıb. Bundan sonra ailəmlə, övladlarımla öz yurdumuzda yaşayacağıq”, - deyə Xocalı sakini bildirib.
Bölmənin digər xəbərləri
