Kilian Mbappe fransalı futbolçular arasında yeni rekorda imza atıb
Bakı, 11 mart, AZƏRTAC
İspaniyanın "Real Madrid" komandasının futbolçusu Kilian Mbappe fransalı futbolçular arasında yeni rekorda imza atıb.
AZƏRTAC “Stats Foot”a istinadən xəbər verir ki, 25 yaşlı forvard Avropanın 4 böyük liqasında çıxış edən həmyerliləri arasında debüt mövsümündə 29 qol vuran ilk oyunçu olub. O, “kral klubu”nun heyətində bütün turnirlərdə 29 dəfə fərqlənib.
Fransalı futbolçular arasında bundan əvvəlki rekord 1982/1983-cü illər mövsümündə İtaliyanın "Yuventus" komandasının heyətində 28 qol vuran əfsanəvi futbolçu Mişel Platiniyə məxsus idi.
Qeyd edək ki, Kilian Mbappe 2024-cü ilin yayında azad agent kimi “Real Madrid”lə müqavilə imzalayıb. Futbolçu əvvəllər PSJ və “Monako”da çıxış edib.
Bölmənin digər xəbərləri
