Kim Çen In: KXDR Hərbi Dəniz Qüvvələrinin gücləndirilməsində yeni mərhələ səkkiz aya tamamlanacaq
Bakı, 7 sentyabr, AZƏRTAC
Koreya Xalq Demokratik Respublikası (KXDR) lideri Kim Çen In ölkənin Hərbi Dəniz Qüvvələrinin gücləndirilməsi istiqamətində yeni mərhələnin səkkiz ay ərzində başa çatdırılacağını bildirib.
AZƏRTAC xəbər verir ki, bu barədə Koreya Mərkəzi Xəbər Agentliyi məlumat yayıb.
Kim Çen In bildirib ki, KXDR hazırda donanmanın gücləndirilməsi ilə bağlı mühüm planları həyata keçirir və əldə olunan nəticələri səkkiz ay ərzində dünyaya nümayiş etdirəcək.
KXDR lideri müxtəlif tipli hərbi gəmilərin inşası, gəmiqayırma müəssisələrinin modernləşdirilməsi, donanmanın yenidən təşkili və yeni bölmələrin yaradılmasının əsas prioritetlərdən olduğunu vurğulayıb.
O, güclü Hərbi Dəniz Qüvvələrinin ölkənin müstəqilliyinin və dəniz suverenliyinin qorunmasına xidmət edəcəyini qeyd edib.
Qeyd edək ki, KXDR rəhbərliyi 2021-ci ilin yanvarında nüvə sualtı qayığının hazırlanması və inşası ilə bağlı tapşırıq verib.
Bölmənin digər xəbərləri
