Kimya fənni üzrə elmi-metodiki seminarda ətraflı fikir mübadiləsi aparılmışdır
Bakı, 29 mart (AZƏRTAC). Tələbə Qəbulu üzrə Dövlət Komissiyasında (TQDK) Kimya fənni üzrə elmi-metodiki seminar keçirilmişdir.
TQDK-dan AZƏRTAC-a bildirmişlər ki, tədbirdə “Açıq test tapşırıqlarının formaları” haqqında müzakirələr aparılmışdır. Təqdim edilmiş nəzəri materialla bərabər, test tapşırıqları nümunələri də verilmişdir.
İclasda Bakı və Sumqayıt şəhərlərindən orta və ali məktəb müəllimləri, metodistlər və AMEA-nın əməkdaşları ilə bərabər, TQDK-nın Naxçıvan, Gəncə, Şəki və Quba regional bölmələrində həmin bölgələri təmsil edən müvafiq fənn müəllimləri də onlayn rejimdə internet vasitəsilə test tapşırıqları haqqında fikirlərini bildirmiş və təkliflərini vermişlər.
Bölmənin digər xəbərləri
