KİŞİLƏRİN BASKETBOL ÜZRƏ ÖLKƏ ÇEMPİONATININ NÖVBƏTİ OYUNU OLMUŞDUR
AZƏRTAC xəbər verir ki, fevralın 5-də Milli Olimpiya Komitəsinin idman kompleksində kişilərin basketbol üzrə ölkə çempionatının III dövrəsinin dördüncü turunun bir oyunu olmuşdur. Qarşılaşmada Bakının “Qala” və Beynəlxalq Sığorta Şirkətinin komandaları görüşmüşlər.
“Qala” komandası birinci hissədə rəqibindən böyük xal fərqi ilə irəli çıxmışdır - 22:8. Bu komanda ikinci hissədə 26:16, üçüncü hissədə isə 21:13 xal hesabı ilə Beynəlxalq Sığorta Şirkətindən irəlidə olmuşdur.
Sonuncu hissə də “Qala”nın üstünlüyü ilə keçmiş və komanda ümumi hesabda 89:56 xal hesabı ilə rəqibini məğlub etmişdir. Beləliklə, yarış cədvəlində “Qala” 28 xalla birinci, Qərb Universiteti isə 25 xalla ikinci yerdədir.
Ölkə çempionatı martın 5-də başa çatacaqdır.
Bölmənin digər xəbərləri
