Kolin Gibson: “Qarabağ”ın bütün oyunlarını böyük maraqla izləyirəm
Quba, 30 sentyabr, AZƏRTAC
İlk dəfə azərbaycanlı idman jurnalistləri ilə 2015-ci ildə Bakıda keçirilən I Avropa Oyunlarında tanış olmuşam.
Bu sözləri AZƏRTAC-a açıqlamasında Böyük Britaniyadan olan media təlimçisi Kolin Gibson deyib.
Mütəxəssis ötən illərlə müqayisədə Azərbaycanda idman jurnalistlərinin sayının artığını və onların daha təcrübəli kadra çevrildiklərini vurğulayıb: “Buna səbəb Azərbaycanda saysız-hesabsız beynəlxalq tədbirlərin keçirilməsidir. Tədbirlərin çoxluğu jurnalistlərin idman biliyini artırıb. Azərbaycanlı idman jurnalistlərində ən sevdiyim özəllik həvəsli və işlərinə məsuliyyətli yanaşmalarıdır. Sözsüz ki, onların bu həvəsi və bilikləri Azərbaycanda idmanın inkişafına müəyyən töhfə verir. Həmkarlarımız daim öyrənmək naminə müxtəlif ölkələrdə təşkil olunan yarışlarda iştirak edirlər. Azərbaycanlı jurnalistlər yalnız futbolda deyil, gimnastika, cüdo, güləş və s. digər idman növlərində də uğurlu işlər ərsəyə gətirirlər. Hətta burada təkcə idman jurnalistləri deyil, eyni zamanda, idmançılar da öz üzərilərində çalışaraq daim inkişaf edirlər.
O, bütün səfərləri zamanı “Qarabağ” klubuna məxsus şərfi üzərində daşıdığını bildirib: “Mənim bu klubla bağlı çox geniş məlumatım var. Onların bütün oyunlarını böyük maraqla izləyirəm. Ümumilikdə isə komanda mənim xoşuma gəlir”.
Bölmənin digər xəbərləri
