Konstitusiya Məhkəməsi Palatasının növbəti iclası keçirilib
Bakı, 21 dekabr, AZƏRTAC
Azərbaycan Respublikası Konstitusiya Məhkəməsinin Palatasının növbəti iclası keçirilib.
Konstitusiya Məhkəməsinin mətbuat xidmətindən AZƏRTAC-a bildirilib ki, iclasda Azərbaycan Respublikası Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Vergi Məcəlləsinin 102.1.4-cü və Əmlak Məcəlləsinin 175-ci maddəsinin 4-cü hissəsinin şərh edilməsinə dair Bakı Şəhəri Nəsimi Rayon Məhkəməsinin müraciətinə baxılaraq, Plenumun icraatına qəbul olunması haqqında qərardad qəbul edilib.
Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun 2024-cü il yanvarın 12-nə təyin olunmuş iclasında baxılacaq.
Bölmənin digər xəbərləri
