Koronavirus pandemiyası dövründə Moskvada infarktdan ölənlərin sayı artıb
Moskva, 15 mart, AZƏRTAC
Koronavirus pandemiyası başlanandan Moskvada infarktdan ölənlərin sayı artıb.
AZƏRTAC xəbər verir ki, bu barədə Moskva Səhiyyə departamentinin baş kardioloqu Yelena Vasilyeva məlumat verib. Onun sözlərinə görə, son vaxtlar yaşı 60-dan az və 90-dan çox olan şəxslər arasında infarktdan ölənlərin sayı artıb. Onların əksəriyyəti koronavirusa yoluxan xəstələrdir.
Həkim vurğulayıb ki, bəzi hallarda infarktın ölümlə nəticələnməsi koronavirus pandemiyası dövründə təcili yardımın gec gəlməsi ilə bağlıdır. Y.Vasilyeva deyib ki, bu səbəbdən xəstələr artıq miokardın partlaması simptomu ilə xəstəxanaya daxil olurdular.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
