Kreml: Putin İstanbulda Ukrayna ilə danışıqlarda iştirak etməyəcək
Moskva, 15 may, AZƏRTAC
Rusiya Prezidenti Vladimir Putin Ukrayna ilə İstanbulda baş tutacaq danışıqlarda iştirak etməyəcək.
AZƏRTAC xəbər verir ki, bu barədə Rusiya liderinin mətbuat katibi Dmitri Peskov CNN telekanalına şərhində bildirib.
Daha əvvəl məlum olub ki, Rusiya nümayəndə heyəti Ukrayna üzrə danışıqlarda iştirak etmək üçün artıq İstanbula gəlib. Rusiya Xarici İşlər Nazirliyinin rəsmi nümayəndəsi Mariya Zaxarova Moskvanın ciddi işə hazır olduğunu təsdiqləyib. Onun sözlərinə görə, Rusiya tərəfinin diqqəti əsas məqsədi münaqişənin başlıca səbəblərini aradan qaldırmaq, uzunmüddətli və davamlı sülhə nail olmaqdan ibarət məzmunlu danışıqlara yönəlib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
