KÜR VƏ ARAZ ÇAYLARININ AYRILMASI EKOLOJİ FƏSAD DEYİL
Bakı, 25 may (AZƏRTAC). Kür və Araz çaylarının ayrılması ekoloji fəsad deyil. Bu haqda jurnalistlərə açıqlamasında ekologiya və təbii sərvətlər naziri Hüseynqulu Bağırov demişdir. Nazir bildirmişdir ki, Kür və Araz dəfələrə öz məcralarını dəyişmişlər. Bizdə Kür çayın Şirvandan Salyana qədər hissəsində Kürsəngi və bir neçə başqa palçıq vulkanlarının təsiri altında istiqamətini dəyişməsini təsdiq edən peyk çəkilişləri var. Onlardan aydın olur ki, indiki vəziyyətdən əvvəl Kürün suları Şirvan parkının ərazisindən dənizə axıdılırdı. Tədricən vulkanların qalxması nəticəsində Kür istiqamətini dəyişərək Araz çayına qovuşmuşdur. 1903-cü ilin xəritələrində Araz çayının əsas hissəsinin paralel axaraq Biləsuvar ərazisindəki göllərdən keçərək Xəzərdəki Kiçik Qızılağac körfəzinə axması aydın görünür.
Bölmənin digər xəbərləri
